रोल्पा माडिचौरमा निशुल्क_स्वास्थ्य_शिविर संचालन हुने

रोल्पा माडीचौरमा निशुल्क_स्वास्थ्य_शिविर संचालन हुनेभएको छ। माघे सकराती-२०८१ को अवसरमा माननीय वर्षमान पुन "अनन्त" को पहलमा समृद्ध रोल्पा फाउन्डेशनको आयोजनामा माडीचौरमा निशुल्क_स्वास्थ्य_शिविर हुने पुनको सचिवालयले जनाएको छ। रोल्पा नगरपालिकाको सहकार्यमा, माडी एकता युवा क्लबको व्यावस्थापन, काठमाडौं मेडिकल कलेज (KMC) को प्राविधिक सहयोगमा मिति२०८१ माघ २ र ३ गते र बाल उदय माध्यमिक बिद्यालयको प्राङ्गण,मा बिशेषज्ञ सेवा सहितको निशुल्क स्वास्थ्य शिविर संचालन हुने भएको छ् । जिल्लाबासी सम्पुर्ण नागरिकलाई पुनको सचिवालयले सूचना गरेको छ।

टेक मगर ,रोल्पा । रोल्पाको लुङ्ग्री गाउँपालिकामा भीरबाट लडेर आइतवार एक महिलाको निधन भएको छ। लुङ्ग्री गाउँपालिका–५ स्थित प्रतिकुञ्जेरी सामुदायिक वनमा खर काट्ने क्रममा लडेर सोही वडाको गर्मी भन्ने ठाउँकी ३३ वर्षीय संगिता कुमारी थापाको ज्यान गएको प्रहरी चौकी किलाचौरले जनाएको छ । भिर बाट करिब सय मिटर तल खस्न जाँदा घट्ना स्थलमै मृत्यु भएको प्रहरी निरीक्षक अरुण तामाङले जानकारी दिनुभयो ।

टेक मगर, रोल्पा- रोल्पाकाे त्रिवेणीमा गाँउपालिका स्तरीय सातौ राष्ट्रपति रनिङ शिल्ड प्रतियोगिता समापन भएको छ । स्वास्थ्यका लागि खेलकुद,राष्ट्रका लागि खेलकुद” भन्ने मुलनाराका साथ त्रिवेणी गाउँपालिका-५ जुगारमा उद्घाटन गरिएको थियो। रास्ट्रपति रनिङ शिल्ड प्रतियोगितामा त्रिवेणी गाउँपालिका भित्रका १२ वटा माध्यमिक बिद्यालयहरुको सहभागिता रहेकोे थियो । नेपाल सरकार युवा तथा खेलकुद मन्त्रालयको तत्वविधान, राष्ट्रिय खेलकुद परिषदको संयोजकत्व, जिल्ला खेलकुद विकास समितिको समन्वयमा, जन जागृती माध्यमिक विद्यालय त्रिवेणी गाउँपालिका ५ जुगार रोल्पाको व्यवस्थापन तथा त्रिवेणी गाउँपालिकाको आयोजनामा सातौ राष्ट्रपति रनिङ शिल्ड प्रतियोगिता सञ्चालन गरिएको थियो। कार्यक्रमको सभा-अध्यक्ष सामाजिक बिकास समितिका संयोजक कबिराज बुढा रहनु भएको थियोे । त्रिवेणी गाँउपालिका अध्यक्ष कर्ण बहादुर…

शिक्षक सेवा आयोगले ठूलो संख्यामा माध्यमिक तहका लागि शिक्षक माग गरेको छ। आइतबार सूचना जारी गर्दै आयोगले तीनसय ६८ जना शिक्षकको लागि दरखास्त आह्वान गरेको हो। एक महिने म्याद राखेर विभिन्न विषयको माध्यमिक तह, तृतिय श्रेणीका शिक्षक पदका लागि खुला प्रतियोगितात्मक परीक्षाको लागि दरखास्त खुला गरिएको आयोगले जनाएको छ। तोकिएको न्यूनतम योग्यता पुगेका इच्छुक उम्मेदवारले आयोगको आधिकारिक अनलाईन प्रणालीबाट दरखास्त दिन सकिने विज्ञापनमा उल्लेख छ।

रोल्पा माडी गाउँपालिका वडा नम्बर २ वडाको पारिवाङ टोल विकास संस्था आजबाट औपचारिक रुपमा पुर्ण सरसफाइ उन्मुख टोल घोषणा भएको छ । माडी २ का वडा अध्यक्ष ललित घर्तिमगरको अध्यक्षतामा सुरु भएको कार्यक्रममा विभिन्न राजनैतिक दलका प्रतिनिधि र सरोकारवालाहरु सहभागी थिए। माडी गाउँपालिका अध्यक्ष अमरसिंह घर्तिमगरले आज एक कार्यक्रमका बीच औपचारिक रुपमा पुर्ण सरसफाइ उन्मुख टोल घोषणा गरेका हुन् । यस सँगै अब माडी २ का सम्पुर्ण टोलहरु सरसफाइ उन्मुख भसकेका छ्न ।