रोल्पाको शहिदमार्गको नुवागाउँ – तिला सडक खण्डको गाईविसौनामा बाइक दुर्घटना हुँदा एक जनाको मृत्यु, चालक घाइते भएका छन् ।
२०८२ साल ०९ महिना १४ गते साँझ करिब ८:२० बजेको समयमा त्रिवेणी गाउँपालिका–७ गाईविसौना स्थित सहिद राजमार्गमा लिवाङबाट नुवागाउँतर्फ जाँदै गरेको रा ६ प ९९९६ नम्बरको मोटरसाइकल अनियन्त्रित भई दुर्घटना भएको हो।
मोटरसाइकल त्रिवेणी गाउँपालिका–२ नुवागाउँ निवासी वर्ष २० का रुपेश बुढामगरले चलाएका थिए। दुर्घटनामा चालक बुढामगरको दायाँ खुट्टामा सामान्य चोट लागेको छ ।
मोटरसाइकलको पछाडि सवार सोही स्थानका वर्ष २१ का बिलगेटस बुढामगरको टाउकोमा गहिरो चोट लागेको थियो। गम्भीर अवस्थामा रहेका उनलाई उपचारका लागि राप्ती स्वास्थ्य विज्ञान प्रतिष्ठान, घोराही दाङ पठाइएकोमा उपचारकै क्रममा मिति २०८२।०९।१५ गते बिहान १०:१५ बजे चिकित्सकले मृत घोषणा गरेका स्थानीय प्रहरीले युगपोष्ट्सँग बताएको छ।
मोटरसाइकल चालकलाई इलाका प्रहरी कार्यालय होलेरी रोल्पाको हिरासतमा राखिएको छ। मोटरसाइकल चालकनै मोटरसाइकल धनी नभएको बुझिएको छ।
