एसईई २०८१ को नतिजामा रोल्पाकै उत्कृष्ट पृथ्वी नारायण मावि जायचौर हुन सफल कसरी भयो।
रोल्पा जिल्लाको पश्चिम भेगमा अवस्थित गंगादेव गाउँपालिका ७ जायचौरमा रहेको पृथ्बी नारायण मावि रोल्पा जिल्लामा उत्कृष्ट नतिजा ल्याउन सफल भएको हो ।
२०३८ सालमा प्रावी बाट स्थापना भएको उक्त विद्यालय २०६५ सालमा निमावी र २०७१ सालमा मावी भएको गणित शिक्षक चेतन पुनमगरले युगपोस्ट सँग बताए ।
उक्त विद्यालयमा २०८१ सालको एसईई परिक्षामा २४ जना छात्रा र ४४ जना छात्र गरी ६८ जना विद्यार्थी सहभागी भएका थिए । जस मध्ये एक जना बाहेक ६७ जना उतिर्ण भएका छन् । प्रतिशतमा हेर्दा ९८.५३ प्रतिशत उतिर्ण भएका छन् ।
६७ विद्यार्थी मध्य मनिषा परियारले ३.७४ जिपिए लिएर विद्यालयमा प्रथम भएकि छिन् । त्यस्तै रामबहादुर केसीले ३.७३ प्रतिशत जिपिए लिएर दितिय भएका छन् । र फिक्कल ओडिस पुनमगर ३.६१ जिपिए लिएर तृतिय भएका छन् ।
