असार १३, रोल्पा । रोल्पाको निगालपानीमा तरकारी बोकेको ट्रकले तरकारी बेच्न आएका एक युवकको किचेर मृत्यु भएको छ ।
विहिबार विहान करिव ११ बजेतिर त्रिवेणि गाउँपालिका ४ निगालपानी बजारमा रोकिराखेको रा १ ख ३२२२ नम्बरको ट्रकको पछाडि बसेका त्रीवेणी गाउँपालिका ३ छापका ३२ बर्षिय गोपीलाल वलीको राप्ति स्वास्थ्य बिज्ञान प्रतिष्ठान घोराही उपचारका क्रममा मृत्यु भएको उनका आफन्त पोषण ओलिले युग्पोष्टसँग बताएका छन् ।
दाङको घोराहीमा तरकारी ब्यापार गर्ने बदरुण राईको ट्रक लिङ्दुङबाट तरकारी लिएर दाङ जादै गर्दा ट्रक निगालपानी बजारमा रोकिरहेको थियो ।
गोपीलाललाई स्वास्थ्य चौकी नेर्पामा प्राथमिक उपचारपछि थप उपचारका लागि घोराही स्थित राप्ति स्वास्थ्य बिज्ञान प्रतिष्ठानमा उपचारका क्रममा डाक्टरले उनलाई मृत घोषणा गरेका थिए ।
घटनास्थलबाट ट्रक र चालक लुङ्ग्री गाउँपालिका ३ का २७ बर्षिय मिलन घर्तीलाई नियन्त्रणमा लिइसकेको छ। अहिले जि प्र का दाङमा मृत्युका आफन्त र ट्रक धनी बीच छ्लफल भैरहेको मृतकका आफन्त पोषण ओलिले बताएका छन् ।
