रोल्पा —टेक मगर- त्रिवेणी गाउँपालिका–२ स्थित दहवनमा निर्माणाधीन भगवती माध्यमिक विद्यालयको भवनको जग खन्ने क्रममा फेला परेको सकेट बम नेपाली सेनाले सुरक्षित रूपमा डिस्पोज गरेको छ।
मिति २०८२ साल जेठ ६ गते बिहान ११:०० बजे श्री सूर्यदल गण, लिवाङबाट सेनानी शंकर थापा मगरको कमाण्डमा १/८ को B.D. (बम डिस्पोजल) टोली ना.१ झ.१०३४ नम्बरको गाडीमार्फत घटनास्थलमा पुगेको थियो।
टोलीले आवश्यक सुरक्षा मापदण्ड अपनाउँदै विद्यालय क्षेत्रदेखि करिब २०० मिटर तल रहेको खाल्डोमा दिउँसो १२:४२ बजे उक्त सकेट बमलाई डिस्पोज गरेको जनाइएको छ।
स्थानीय बासिन्दा र विद्यालय प्रशासनले समयमै बम फेला परेको जानकारी दिएर सुरक्षाकर्मीलाई खबर गरेको र सेनाले जोखिम व्यवस्थापन गर्दै घटनालाई सुरक्षित रूपमा समाधान गरेकाले राहत महसुस भएको बताएका छन्।
स्थानीय प्रशासनले बम फेला परेकामा सतर्क रहन र शंकास्पद वस्तु देखिएमा तुरुन्त सुरक्षाकर्मीलाई जानकारी दिन आग्रह गरेको छ।
