टेक मगर ,रोल्पा – रोल्पा जिल्लामा फागुन ३ गते मात्र उद्घाटन भएको क्याम्पस रोल्पा नमुना क्याम्पसमा चैत्र पाँच गते हुन लागेको स्ववियु चुनाव हुँदै छ।
निर्वाचनमा अखिल क्रान्तिकारी ,नेविसंघ र अनेरास्ववियुको तालमेल भएको छ। निर्वाचनमा नेविसंघबाट सचिवमा प्रकाश रोका मगर बाहेक सबै अखिल क्रान्तिकारीले आफ्नो संगठनबाट उम्मेदवारी दिएको छ। अध्यक्षमा अखिल ( क्रान्तिकारी )का दिपेन्द्र डाँगी , कोषाध्यक्षम निर्मला वुढामगर र प्रत्यक्ष निर्वाचित सदस्यमा कमला पुन मगर ,अन्जना बुढा मगर र ओमसरी वुढा मगरले उम्मेदवारी दिएका छन् ।
अखिल (क्रान्तिकारी )का जिल्ला अध्यक्ष सनीदेवल बुढा र अनेरास्ववियुका जिल्ला अध्यक्ष सुर्य बि क द्वारा हस्ताक्षरित सहमति अनुसार अनेरास्ववियुले नव नेपाल क्याम्पसमा अध्यक्ष लिने र जिल्लाका अन्य क्याम्पसमा अखिल क्रान्तिकारीलाई सहयोग र समर्थन गर्ने सहमति अनुसार नै अनेरास्ववियुले नमुना क्याम्पसमा अखिल क्रान्तिकारीलाई समर्थन गर्नेछ
´त्यहाँ क्याम्पस प्रशासन नेकपा को भएको हुँदा हामी जसरी पनि जित छौँ । भन्ने दम्भ छ् । भखरै रोपेको क्याम्पस उम्रेकै छैन । सहमति सहकार्यमा स्ववियु बनाउ भन्दा क्याम्पस मा प्रत्यक्ष जोडिएका केही मान्छेहरुको स्वार्थ र दम्भको कारण चुनाव हुँदै छ। दिपेन्द्र डाँगी नेतृत्वको प्यानल घोषणा गर्न मात्र बाँकी छ` एक विद्यार्थी नेताले युगपोष्ट सँग बताएका छन् ।
