काठमाडौँ —नेपाल विद्युत् प्राधिकरणका कार्यकारी निर्देशक कुलमान घिसिङले बक्यौता नतिर्ने ३४ उद्योगको खाता रोक्का गर्न राष्ट्र बैंकलाई पत्राचार गरेका छन् ।
नेपाल विद्युत् प्राधिकरणले लोडसेडिङको अवधिमा डेडिकेटेड फिडर र ट्रंकलाइन मार्फत विद्युत् उपभोग गरेको बक्यौता नतिर्ने ३४ उद्योगको खाता रोक्का गर्न नेपाल राष्ट्र बैंकलाई पत्राचार गरेको हो।
घिसिङले नेपाल सरकारको कार्तिक २५ को निर्णय र विद्युत् नियमन आयोगको मंसिर ११ गतेको निर्देशनअनुसार राष्ट्र बैंकलाई खाता रोक्का गर्न पत्राचार गरेका हुन् ।
सरकारले गत कात्तिक २५ गते सरकारले लाल आयोगको प्रतिबेदन सर्बजनिक गर्दै २४ घन्टा भित्र उद्योगहरुमा काटिएको लाइन जोडन र १५ दिन भित्र टिवडी मिटरको आधारमा बक्यौता उठाउन प्राधिकरणलाई निर्देशन दिए संगै प्राधिकरणले २८ गते लाइन जोडेको थियो ।त्यतिबेला प्राधिकरणका कार्यकारी निर्देशक कुलमा घिसिङले सार्वजनिक रुपमै यसपालि लाइन जोडेको छु फेरि पनि बक्यौता नतिरेपछि आफुलाई जनताको साथ चाहिने बताएका थिए ।
त्यो समय आज सकियो तर बक्यौता उठेन त्यसपछि प्राधिकरणले आफ्नो पहल लिएको छ। उता हिजो नै सरकारले आफैले गरेको निर्णय विरुद्ध अर्को निर्णय गरेर हिजो सोमबार नै अहिले नै लाइन न काट्न प्राधिकरणलाई निर्देशन दिइसकेको छ। अब बक्यौता उठाउने भन्ने प्राधिकरण र नउठाउने भन्ने सरकार आमनेसामने भएका छन् । जनता साथ भने प्राधिकरण लाई देखिन्छ ।
