रोल्पाको सुनिलस्मृती गाउँपालिकाले सुलिचौर र रुइनिबाङ बजार अनुगमन गर्‍यो ।

रोल्पाको सुनिलस्मृती गाउँपालिकामा रहेको मुख्य बजार सुलिचौर र रुइनिबाङमा गाउँपालिकाले अनुगमन गरेको छ।
´ सुलिचौर र रुइनिबाङ बजार क्षेत्रमा रहेका होटल, रेष्टुरेन्ट ,गेष्ट हाउसहरु गाउँपालिकामा दर्ता भएको नभएको ,देखिने गरि मुल्य सुची टाँस गरेको नगरेको, बासी खाना तथा परिकार बिक्रीवितरण गरेको नगरेको र सरसफाइ गरेको थाहा पाउन अनुगमन गरेको हौं ।` गाउँपालिका अध्यक्ष मनिराम मणिराम वुढाथोकिले बताउनु भयो ।
अनुगमनको क्रममा ७२ वटा होटल मध्ये २३ वटा होटल, रेष्टुरेन्ट, गेष्ट हाउसहरु गाउँपालिकामा दर्ता नभएको पाइएको छ । अधिकांशले मूल्य सुचि टाँस नभएको र सरसफाइ पनि नभएको पाइयो ।
दर्ता नभएका होटल, रेष्टुरेन्ट, गेष्ट हाउसलाई तत्काल दर्ता गर्न र सवैले देख्ने गरी मुल्य सुची टाँस गर्न साथै सरसफाईमा विशेष ध्यान दिन, वाँसी खाना तथा नास्ताहरुलाई वेचविखन नगर्न पहिलो पटक अनुरोध गरिएको छ । अटेरी गरेपछि के गर्न भन्ने पछी निर्णय हुन्छ भनेर गाउँपालिकाले जानकारी दिएको छ ।