दाङको राप्ती गाउँपालिकाले ९ सय १५ जना विद्यार्थीहरुलाई विभिन्न फलफुलको विरुवा वितरण गरेको छ् ।

दाङको राप्ती गाउँपालिकाले एक विद्यार्थी एक बिरुवा उपहार कार्यक्रम अन्तर्गत विभिन्न विद्यालयका विद्यार्थीहरुलाई ८ देखि १० सम्मका ९ सय १५ जना विद्यार्थीहरुलाई विभिन्न फलफुलको वितरण गरेको छ् ।
वडा नं.४ मा रहेको माध्यमिक विद्यालय मौरीघाट,६ मा रहेको ज्ञानोदय माध्यिमिक विद्यालय पत्थरगढवा र ८ मा रहेको शंकर माध्यमिक विद्यालय पिपरीका कक्षा ८ देखि १० सम्मका ९ सय १५ जना विद्यार्थीहरुलाई आँप र अम्बाका कलमी बिरुवा वितरण गरेको गाउँपालिकाका वन तथा वातावरण शाखाका फोकल पर्सन सुवास भट्टराईले जानकारी दिनुभयो ।
गाउँपालिकाका अध्यक्ष प्रकाश विष्ट,उपाध्यक्ष कमलापती चौधरी, प्रमुख प्रशासकीय अधिकृत नेब बहादुर ओली र शिक्षा शाखा प्रमुख विश्वाक लगायतले विद्यार्थीहरुलाई संयुक्त रूपमा बिरुवा वितरण गरेका हुन् ।
´बिरुवा वितरण गर्नुको उदेश्य विद्यार्थीमा कृषि प्रति रुचि जगाउने र उत्पादन सँग जोडने पनि हो।’, अध्यक्ष विष्टले भन्नुभयो, ‘यो अभियानले विद्यार्थीहरुमा अध्ययन सँगसँगै श्रम गर्ने बानीको समेत विकास हुन्छ।