जन यु द्धका चर्चित दुई डुपुटी कमान्डर पासाङ र अनन्त रोल्पा आएका छन् । वर्षमान पुन अनन्त प्रतिनिधि सभाको चुनावमा रोल्पाबाट चुनाब लड्ने भएपछि उनलाई सहयोग गर्ने नन्दकिशोर पुन पासाङ रोल्पा आएका हुन् ।
२०४९/०५० को ग्रामीण वर्गसंघर्षको बेला सदरमुकाम लिवाङमा सार्बजनिक कार्यक्रममा भाषण गरेका पासाङले झन्डै ३२ वर्ष पछी सार्वजनिक कार्यक्रममा बोलेका छन् ।
जनयुद्ध सुरु हुनु भन्दा नै पहिले नै भुमिगत भएका पासाङले जनयुद्ध भर नै सैन्य मोर्चाको भुमिका खेल्दै भुमिगत थिए ।शान्ति प्रक्रिया पछी दुई पटक उपराष्टपति भएकाले पार्टीको तर्फबाट लिवाङ को सार्वजनिक कार्यक्रममा बोल्ने अवसर पाएका थिएनन् ।
आज सहकर्मी अनन्तलाई भारी मतले विजयी बनाउन अपिल गर्दै उनले भने ” २०६४ मा मतदान गरेकाले फेरि एकपटक र त्यतिबेला मतदान नगरेकाले एकपटक गर्न ।”
आगामी फागुन २१ गते हुने निर्वाचनका निम्ति आज माघ ०६ गते देशभर उम्मेदवारी दर्ता भएको छ।
नेपाली कम्युनिस्ट पार्टीको तर्फबाट १६४ क्षेत्रमा उम्मेदवारी दर्ता गरेको छ।
त्यस मध्ये रोल्पाको एक मात्र निर्वाचन क्षेत्र भएको क्षेत्रबाट अनन्तले उम्मेदवारी दिएका छन् । उम्मेदवारी पछी टुडिखेलमा आयोजित कार्यक्रममा बोल्दै भने ” हामीले चुनाव जिति सक्यौं तर रोल्पाका सबै वडामा जित निकाल्न हामी यसपालि तयारी स्वरूप अगाडी वढ्नु पर्छ । ” उनले भने “मैले रोल्पाको शिर कहिल्यै तल बनाउन दिने छैन त्यो मेरो प्रतिबद्धता हो।”
