युगपोष्ट समाचार सावन १३ , लुङ्ग्री गाउँपालिका वडा नं. ३ मा रहेको तालपोखरी युवा क्लवले निमार्ण गरेको ट्रष्ट ब्रिज आज उद्घाटन गरिएको छ । युवा क्लवको आफ्नै कोष र अन्य सहयोगीहरु बाट रकम जुटाएर क्लवले पुल निमार्ण गरेको हो ।
आज एक औपचारीक कार्यक्रमका विच उद्घाटन गरिएको छ । क्लवका अध्यक्ष महेन्द्र न्यौपानेको अध्यक्षतामा सुरु भएको भएको कार्यक्रमको प्रमुख अतिथिमा लुङ्ग्री गाउँपालिकाका अध्यक्ष भरत कुमार थापा रहनु भएको थियो । कार्यक्रमको विशिष्ट अतिथिमा लुङ्ग्री गाउँपालिका वडा नं. ३ का वडा अध्यक्ष नेम बहादुर खड्का रहनु भएको थियो ।
उद्घाटन कार्यक्रमका प्रमुख अतिथि लुङ्ग्री गाउँपालिकाका अध्यक्ष भरत कुमार थापाले भने ´स्थानीय युवाहरुले चाहेको खण्डमा जस्तो सुकै काम पनि गर्न सक्ने उदाहरण जुतुङ खोलाका युवाहरुले दिए` “सरकारले सबै काम गर्नु पर्छ भन्ने सोचको विकास भइरहेका बेला स्थानीय युवाहरुको अग्रसरतामा सरकारले गर्नुपर्ने काम युवाहरूले गरेकाले युवाहरुले चाहेमा जस्तो सुकै काम पनि गर्न सकिने सन्देश दिएको छ ”
कार्यक्रमको विशिष्ट अतिथि लुङ्ग्री गाउँपालिका वडा नं. ३ का वडा अध्यक्ष नेम बहादुर खड्काले समाज विकासका साथै भौतिक पुर्वाधार निमार्णको काम युवा क्लवले गरेकोमा धन्यवाद छ भन्दै कल्बको कार्य प्रति प्रसमंसा गरेका थिए ।
लम्बाइ १२ मिटर रहेको ट्रष्ट ब्रिज कुल ३ लाख ५० हजार रुपैयामा निमार्ण गरिएको क्लवका अध्यक्ष महेन्द्र न्यौपानेले जानकारी दिनु भएको छ । लुङ्ग्री गाउँपालिका वडा नं. ३ औलेसारी दोभानमा पुल निमार्ण गरिएको छ । पुलले साविकको वडा नं. ३ र ७ मा आवत जावत गर्न सहज भएको छ । पुल निमार्ण भए पछि सिम्लेनि, बेवरे, औलेसारी, पल्मागैरा लगायतका टोलका स्थानीयहरु, विद्यार्थीहरु विद्यालय जान साथै वडा कार्यालयमा सेवा लिन सयौंले दैनिक प्रयोग गर्न सक्नेछन् ।
