९ जेष्ठ २०८१ १८:१६
९ जेष्ठ २०८१ १८:१६
सुर्खेत : कर्णाली प्रदेशका नवनियुक्त भूमि व्यवस्था, कृषि तथा सहकारीमन्त्री विनोदकुमार शाहले शपथ लिनुभएको छ । मन्त्री शाहलाई सुर्खेतको वीरेन्द्रनगरमा रहेको प्रदेश प्रमुखको कार्यालयमा आज एक कार्यक्रमका बीच प्रदेश प्रमुख तिलक परियारले पद तथा गोपनीयताको शपथ गराउनुभयो । नेकपा एमालेबाट मन्त्री बन्नुभएका शाहले यसअघि वैशाख १८ गते शपथ बहिष्कार गर्नुभएको थियो । उहाँले त्यतिखेर मन्त्रालयप्रति असन्तुष्टि जनाउँदै शपथ लिनुभएको थिएन ।
