Day: ३ भाद्र २०८२ १९:३७

काठमाडौं । मधेश प्रदेशका सांसद किरण साहसहित एक दर्जनभन्दा बढी जसपा नेपालका कार्यकर्ता पक्राउ परेका छन् । गौर नरसंहार सम्बन्धमा अनुसन्धान अघि बढाउने सर्वोच्चको परमादेशविरुद्ध आन्दोलन गरिरहेका उनीहरुले प्रहरीले पक्राउ गरेको हो । गौर नरसंहारमा २७ जना माओवादी कार्यकर्ताको हत्या भएकोे थियो । उनीहरु काठमाडौंको माइतीघर र बबरमहलमा मसाल जुलुस प्रदर्शन गर्दा पक्राउ परेका हुन् ।

सत्तारूढ नेपाली कांग्रेस र नेकपा (एमाले) उपसभामुख इन्दिरा राना मगरलाई पदबाट हटाउने तयारीमा जुटेका छन्। एमालेका सांसदहरू सिंहदरबारस्थित संसदीय दल कार्यालय पुगेर मंगलबार बिहान १० बजेदेखि नै हस्ताक्षर गरिरहेका छन् भने कांग्रेसका सांसदहरूलाई पनि 'दिउँसो २ बजेभित्र संसदीय दल कार्यालय आउनू' भनिएको छ। सभापति शेरबहादुर देउवा निवास बूढानीलकण्ठमा मंगलबार बिहान ९ बजेदेखि पदाधिकारी र पूर्वपदाधिकारी बैठक बसेको छ, जहाँ उपसभामुखलाई पदबाट हटाउनेबारे छलफलकेन्द्रित छ। सोमबार साँझपख प्रधानमन्त्रीसमेत रहेका एमाले अध्यक्ष केपी शर्मा ओली र कांग्रेस सभापति देउवासहित दुवै दलका शीर्ष नेताहरू बालुवाटारमा कुराकानी गरेका थिए। सो क्रममा प्रधानमन्त्री ओलीले उपसभामुखले आचरण अनुकूल काम नगरेको पाइएकोले हटाउनुपर्ने कुरा राखेको र त्यसमा…