Day: २१ फाल्गुन २०८१ २०:१४

टेक मगर/रोल्पाको त्रिवेणी गाउँपालिका-४, सिम्पानीमा आर्थिक वर्ष २०८१/०८२ को दोस्रो त्रैमासिक सामाजिक सुरक्षा भत्ता वितरण कार्यक्रम सम्पन्न भएको छ। वडाका जनप्रतिनिधि, गाउँपालिकाको पञ्जीकरण, विपद तथा राजस्व शाखा प्रमुख वीरबहादुर डाँगी, गाउँपालिकाका कर्मचारीहरू रेशमराज भण्डारी र बालराम घर्ती, बैंक कर्मचारी, जुगार प्रहरी चौकीका सुरक्षाकर्मी, कार्यवाहक अध्यक्ष, वडा सदस्य तथा वडा कर्मचारीहरूको सक्रिय उपस्थितिमा १७३ जनालाई भत्ता वितरण गरिएको हो। कार्यक्रम सहज र व्यवस्थित बनाउन स्थानीय प्रशासन, सुरक्षाकर्मी तथा सम्बन्धित निकायहरूको समन्वयमा भत्ता वितरण गरिएको थियो।