रोल्पाको जलजला बहुमुखी क्याम्पसमा स्ववियु सभापतिमा सुमन बि क निर्वाचित भएका छन् ।
यही चैत्र १८ हुने भनिएको स्ववियु निर्वाचनका लागि आज उम्मेदवारी दर्ताको तालीका थियो । जलजला बहुमुखी क्याम्पस रोल्पाको स्ववियु सर्वसहमतीमा जाने भनी आज दिउँसो संगठन , संघहरुको सहमतिमा हस्ताक्षर गरे सँगै टुंगो लागेको थियो । सहमतिमा स्ववियु अखिल (क्रान्तिकारी ) सभापति ,सचीवमा नेविसंघ र उपसभापतीमा अनेरास्ववियुले लिने गरि सहमति भएको थियो।
पाँच बजे पछि निर्वाचन आयोगले सूचना प्रकाशित गर्दै १ पदका लागि १ मात्र उम्मेदवारी परेकोले सर्वसहमत निर्वाचित भनेर नाम लिस्ट प्रकाशन गरेको छ। जसमा अध्यक्षमा सुमन बिक ,सचीवमा गणेश खड्का लगायतको क्रमश प्रकाशित गरेको छ।
