भोजपुर क्याम्पसमा अखिल( क्रान्तिकारी ) ले पहिलोपटक अनेरास्ववियु र नेविसंघको गठबंधन लाई पराजित गर्दै ४६ देखिको अनेरास्ववियुको गढ भत्काएको छ।
स्ववियु निर्वाचनको इतिहासमा अधिकांश समय एमाले निकट अनेरास्ववियुले नेतृत्व गर्दै आएको छ । अनेरास्ववियुले ४६ सालदेखि ८ पटक चुनाव जितेको छ भने कांग्रेसले करिब ३ पटक मात्रै यहाँ स्ववियु जितेको छ। यसपालि नेविसंघ र अनेरास्ववियुको गठबन्धन भएको थियो र नेतृत्व नेविसंघको पोल्टामा गएको थियो
विगतमा एक्ला एक्लै भिड्दा पनि भोजपुर क्याम्पसको स्ववियुमा एमाले र कांग्रेसनिकट विद्यार्थीहरू नै स्ववियुको नेतृत्वमा पुग्थे । तर, मंगलबार भएको स्ववियु निर्वाचनको नतिजाले यी दुवै दललाई नराम्रो धक्का दिएको छ ।
याहाँको स्ववियुको नेतृत्व नेकपा (माओवादी केन्द्र )निकट अखिल क्रान्तिकारीले इतिहासमै पहिलो पटक हत्याउन सफल भएको छ । यसअघि निर्वाचनमा कांग्रेस र एमालेनिकट विद्यार्थीहरूलाई टक्कर समेत दिन नसक्ने अवस्थाको क्रान्तिकारीले पहिलो पटक स्ववियु सभापति जित्न सफल भएको छ, त्यो पनि मोर्चा बनाएर लडेका कांग्रेस र एमालेनिकट विद्यार्थीहरूलाई घुँडा टेकाउँदै ।
यश क्याम्पसमा मंगलबार राति आएको नतिजाअनुसार सभापति पदमा अखिल क्रान्तिकारीका सोविन तामाङले अनेरास्ववियुको साथ पाएर मैदानमा उत्रिएका नेविसंघका अशोक कार्कीलाई २५ मतले पराजित गरे ।
अचम्म त कसरी भयो भने एमाले र कांग्रेसनिकट विद्यार्थीहरूले इमान्दारीपूर्वक मत खसालेको भए प्यानल नै निर्वाचित हुने अवस्था थियो । तर, सोविनले यसअघिका आफ्ना रचनात्मक र विद्यार्थीहरूलाई गरेको सहयोग कारण नतिजा उल्ट्याइदिए ।
समानुपातिकतर्फको मतमा पनि अखिल क्रान्तिकारी अगाडि देखिएको छ । परिणामअनुसार क्रान्तिकारी र जनता समाजवादी पार्टीनिकट समाजवादी विद्यार्थी युनियनको पक्षमा सभापति र सचिव दुई कार्यकारी पद गएको छ ।
उता अनेरास्ववियु र नेविसंघको संयुक्त प्यानलले कोषाध्यक्षसहित ५ सदस्य पद जितेका छन् । यी दुई संगठनमध्ये अनेरास्ववियुले कोषाध्यक्षसहित २ सदस्य र नेविसंघले ३ जना सदस्य जित्न सफल भएको छ । तर, अध्यक्ष र सचिवको मत भने दुई संगठनका विद्यार्थीले अखिल क्रान्तिकारी र जसपानिकट समाजवादी विद्यार्थी युनियनलाई दिएका छन् ।
अर्को चाखलाग्दो कुरा के छ भने भोजपुर क्याम्पसको स्ववियु निर्वाचनमा अनेरास्ववियु र नेविसंघले समानुपातिकतर्फको मत एकै बाक्सामा थापे । यति हुँदा पनि समानुपातिकतर्फसमेत अखिल क्रान्तिकारी पहिलो भएको छ ।
भोजपुर क्याम्पसका प्रमुख पर्वत राईले दिएको जानकारी अनुसार समानुपातिक मत जम्मा ४८९ खसेको थियो । जसमा एक्लै बाक्सा थापेको अखिल क्रान्तिकारीको पक्षमा १७४ मत खसेको छ । नेविसंघ र अनेरास्ववियुको पक्षमा २३१ आएको छ । यसअनुसार स्ववियु सभापति जितेको क्रान्तिकारी समानुपातिकमा पनि पहिलो बनेको छ। उता समाजवादी विद्यार्थी युनियन, अनेरास्ववियूले ७६ समानुपातिक मत ल्याएका छन् ।
