नेकपा (एमाले)का महासचिव शंकर पोखरेलले माधब कुमार नेपाललाई ´ठूलो भाग खोज्न गएका थिए अहिले उनले आफ्नो हैसियत देखाएको टिप्पणी गरेका छन् ।
‘एमाले छोडेर समाजवादीमा लागेका देशभरका नेता तथा कार्यकर्तालाई आफूले लामो समय योगदान गरेको पुरानो घर (एमाले) मा फर्किन म आह्वान गर्दछु’, पोखरेलले भने, ‘ठूलो भाग खोज्ने माधव नेपालले अहिले आफ्नो हैसियत देख्नुभएको छ । अब उहाँले जति नै रोइकराइ गरे पनि देशभरका नेता कार्यकर्ताको एमाले प्रवेश गर्ने लहरलाई रोक्न सक्नुहुन्न ।’
पोखरेलले एमालेभित्र निर्णय प्रक्रियामा यथेष्ट बहस गर्ने, अभिमत राख्ने र छलफल गर्ने संगठनात्मक सिद्धान्त कायम रहेको दावी गरे । पूर्वउपाध्यक्ष भीम रावल आफैँ एमालेमा रहन नचाहेका कारण पछिल्लो परिस्थिति सिर्जना भएको उनको तर्क थियो ।
