रोल्पा , १२ कार्तिक । टेक मगर
रोल्पामा चेक बाउन्स मुद्दामा पक्राउ परेका एक व्यक्ति बिच बाटो बाटै फरार
आइतबार चेक बाउन्स मुद्दामा पक्राउ परेका एक व्यक्ति लिबाङ लग्दै गर्दा बिच बाटो बाटै फरार भएका छन् । त्रिबेणी गाँउपालिका वडा न. ७ निवासी अन्दाजी बर्ष ३० का दिल बहादुर बिक बाटैबाट फरार भएको जिल्ला प्रहरी कार्यालय रोल्पाले बताएको छ ।
प्रहरीका अनुसार लेनदेनको चेक बाउन्स मुद्दामा पक्राउ परेका बिकलाई छलफलका लागी आइतबार प्रहरीले लिबाङ लग्ने क्रममा रोल्पा नगरपालिका ६ दार्बोटबाट दिउसो ११ बजे तिर भागेर फरार भएको बताइएको छ । पक्राउ परेका बिक पिसाब फेर्न झरेको बेला भागेको प्रहरीको भनाई छ । अहिले उनको खोजी कार्य भइरहेको रोल्पा जिल्ला प्रहरी प्रमुख प्रहरी नायव उपरिक्षक भरत लामाले बताउनु भएको छ ।
