जनयुद्धको घोषणा गर्दा भएको होलेरी चौकी रहेको स्थानमा बन्यो माओवादी र प्रहरीको प्रतिमा
नेकपा (माओवादी )ले जनयुद्ध घोषणा २०५२ साल फाल्गुन १ गते जनयुद्ध घोषणा गर्दा रोल्पा होलेरी प्रहरी चौकी आक्रमण गरेर जनयुद्धको उद्घोष गरेको थियो ।
दोस्रोपटक यहीँ स्थानमा माओवादीले आक्रमण गरेर ७२ जना प्रहरी र शस्त्रको संयुक्त टोलीलाई अपहरण गरेर लग्यो । एक जना राज बहादुर गिरिलाई हत्या गर्दा गरेको थियो ।
माओवादी शान्ति प्रक्रियामा आएपछि यो स्थानलाई युद्ध पर्यटनको रुपमा स्थापित गर्न विभिन्न पहल भएका छन् । आक्रमणमा सहभागी वर्षमान पुन , ओनसरी घर्ती , नन्दकिशोर पुन , दिपेन्द्र कुमार पुन , केश बहादुर बाठा लगायत नेताहरू थिए ।
यो स्थानमा अहिले लुम्बिनी प्रदेश सरकारबाट बजेट विनियोजन भएर तत्कालीन माओवादी जनमुक्ति सेना र प्रहरीहरुको प्रतिमा निर्माण गरिएको छ ।
