Day: २३ आश्विन २०८२ २१:२२

माइतीघरमा बिहीबार दिउँसो प्रदर्शन गर्ने क्रममा पक्राउ परेका अभियान्ता निकोलस भुसाललाई सुधार केन्द्र पठाइएको छ। जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईका अनुसार मेडिकल परीक्षणमा निकोलसले लागूऔषध (गाँजा) सेवन गरेको रिपोर्ट आएको हो। एसपी भट्टराईले बताएअनुसार निकोलसको एक वर्षअघि पनि यस्तै रिपोर्ट आएको थियो। सोही कारण यसपटक पनि उनलाई सुधार केन्द्र पठाइएको हो। उनलाई उनका दाजुको जिम्मामा राखी सुधार केन्द्र पठाइएको प्रहरीले जनाएको छ। निकोलस भुसालसहित थप दुई जनालाई पनि प्रहरीले पक्राउ गरेको बताइएको छ।

स्वास्थ्य विज्ञान प्रतिष्ठानकी पूर्व उपकुलपति डा.संगिता भण्डारीसहित १३ जनाविरुद्ध १२ करोड भ्रष्टाचार मुद्दा काठमाडौं । राप्ती स्वास्थ्य विज्ञान प्रतिष्ठानमा स्वास्थ्य सामग्री खरिदका क्रममा १२ करोड रुपैयाँ भ्रष्टाचार राप्तीभएको आरोपमा अख्तियार दुरुपयोग अनुसन्धान आयोगले बिहीबार विशेष अदालतमा मुद्दा दायर गरेको छ। आयोगले तत्कालीन उपकुलपति डा. संगीता भण्डारीसहित १३ जनालाई प्रतिवादी बनाएको छ। प्रमुख प्रतिवादी डा. भण्डारी लोकतान्त्रिक समाजवादी पार्टी (लोसपा)का नेता शरदसिंह भण्डारीकी बहिनी हुन्। हाल उनी बीपी कोइराला स्वास्थ्य विज्ञान प्रतिष्ठानमा प्राध्यापकका रूपमा कार्यरत छन्। अख्तियारका अनुसार राप्ती प्रतिष्ठानले करिब ११ करोड रुपैयाँमा लुम्बिनी हेल्थकेयरसँग एमआरआई मेसिन खरिद गर्दा मिलेमतोमा मूल्य महँग्याई अनियमितता गरेको पाइएपछि मुद्दा दायर गरिएको हो।