Day: १४ असार २०८२ १५:३६

रोल्पा, २०८१ असार १४--टेक मगर — रोल्पा जिल्लाको त्रिवेणी गाउँपालिकामा सञ्चालित विभिन्न माध्यमिक विद्यालयहरुको माध्यमिक शिक्षा परीक्षा (SEE) २०८१ को नतिजा सार्वजनिक भएको छ। गाउँपालिकाका १२ वटा विद्यालयमा कूल ४२१ जना विद्यार्थी परिक्षामा सहभागी भएका मध्ये २७९ जना विद्यार्थी उत्तीर्ण भएका छन्। यसअनुसार गाउँपालिकाको समग्र सफलता दर ६६.२७% रहेको छ। सवैभन्दा राम्रो नतिजा त्रिवेणी–७ गाङस्थित श्री विरेन्द्र माविले हासिल गरेको छ। विद्यालयबाट परिक्षामा सहभागी ४९ जना मध्ये ४६ जना उत्तीर्ण भइ ९३.८७% सफलता दर कायम गरेको छ। त्यसैगरी त्रिवेणी–२ झुम्लुङस्थित श्री शुक्र माविले २९ मध्ये २७ जना उत्तीर्ण गराउँदै ९३.१०% नतिजा ल्याएको छ। त्यस्तै, त्रिवेणी–५ जुगारको श्री जनजागृती माविले ८७.३४%…

रोल्पा — त्रिवेणी गाउँपालिका, गाउँ कार्यपालिकाको कार्यालय जुगार, रोल्पाको आयोजनामा त्रिवेणी–२, नुवागागाउँमा एकीकृत घुम्ती सेवा शिविर सम्पन्न भएको छ। विभिन्न सेवा शाखाहरू समेटिएको उक्त शिविरबाट सयौँ स्थानीयवासी लाभान्वित भएका छन्। शिविरमा स्वास्थ्य सेवा तर्फ १२० जनाले, पशु सेवा तर्फ ५० जनाले तथा पञ्जिकरण सम्बन्धी सेवामा २० जनाले सेवा प्राप्त गरेका छन्। स्थानीय तहबाट प्रत्यक्ष रूपमा नागरिकको पहुँचमा सेवा पुर्‍याउने उद्देश्यले संचालन गरिएको शिविरप्रति स्थानीयवासीले खुसी व्यक्त गरेका छन्। त्रिवेणी गाउँपालिकाले यस्ता कार्यक्रमलाई आगामी दिनहरूमा अझ प्रभावकारी बनाउँदै लैजाने जनाएको छ।