Day: ८ चैत्र २०८१ १९:१७

नेकपा (माओवादी केन्द्र) माडी गाउँसमितिको आयोजनामा आज माडी गाउँपालिका २ घर्तिगाउँमा दुइ दिने स्कुलिङ सुरु भएको छ । माक्र्सवाद सम्बन्धि कार्यकर्ता स्कुलिङ गर्ने भनी हालै सम्पन्न पार्टीको जिल्ला समन्वय समितिको बैठकले निर्णय गरेको थियो । त्यसै क्रममा आज र भोलि माडी गाउँपालीकामा स्कुलिङ चलिरहेको छ। आज स्कुलिङ विभाग रोल्पाका संयोजक एवम आजका प्रमुख प्रशिक्षक निमकान्त डाँगि जितजङले २१ औँ शताब्दी को नेपाली समाजवादको बाटो सम्बन्धमा स्कुलिङ गर्नुभएको थियो भने जिल्ला पार्टीका अध्यक्ष एवम् प्रशिक्षक रेशम पुन चट्याङले अर्थशास्त्र सम्बन्धि स्कुलिङ गर्नुभएको छ। त्यस्तै गरि पार्टी लुम्बिनी प्रदेश सदस्य मानसिङ बिकले संगठन सम्बन्धमा स्कुलिङ गर्नु भएको छ ।

सुलिचौर थवाङ सडक अन्तर्गतको शहिदमार्ग माथिल्लो उवा सम्मको सडक खण्डमा ५१ करोड १६ लाख बराबरको बजेटले सडक निर्माण कार्य सम्बन्धि सार्वजानिकीकरण कार्यक्रम सम्पन्न भएको छ। लुम्बिनी प्रदेशको निवर्तमान मुख्यमन्त्री माननीय जोखबहादुर महरा ज्युको प्रमुख आतिथ्यता लुम्बिनी प्रदेशको निवर्तमान स्वास्थ्य मन्त्री माननीय दिपेन्द्र कुमार पुनको विशिस्ट आतिथ्यतामा तथा लुम्बिनी प्रदेश सभा सदस्य माननीय यमुना रोकाको आतिथ्यता , थवाङ गाउँपालिका अध्यक्ष र अन्य सरोकारवालाहरुको सहभागितामा सुलिचौर थवाङ सडकको सार्वजनिकिकरण कार्यक्रम थवाङ रोल्पा सम्पन्न भएको छ। बजेट सुनिश्चितता देखी ठेक्का सम्मको सबै प्रक्रिया पुरा गरिसकेको ले अब निर्माण कार्य सुरु भएको छ।

नेपाली इतिहासमा सबभन्दा ठूलो आधिहुरी तुफान लिएर राजनीतिक परिवर्तन गर्ने युद्ध जनयुद्ध हो । जनयुद्धको इपिसेन्टर लुम्बिनीका रोल्पा रुकुम र गण्डकीका केहि जिल्ला हुन । जुन स्थान पर्यटनको लागि महत्त्वपूर्ण स्थान हुन् । नेपालका लागी गुरिल्ला ट्रेल लुकेको हिरा हो । संघीय प्रदेश र स्थानीय गरि तिनै तहको सरकारले राजस्व संकलनको मुख्य स्रोत बनाउन सक्नुपर्छ । जसका लागी प्रचारप्रसारका साथै यस सम्बन्धित काम गर्ने निजि संघ संस्था र व्यक्तिलाई प्रोत्साहन गर्नुपर्छ । यस सम्बन्धि लामो समय काम गरिरहेका बालकुराम पुन यस्तो भन्छन् ´गुरिल्ला पदमार्ग गण्डकी र लुम्बिनी प्रदेशको आकर्षक गन्तव्यस्थलका रुपमा विकास गर्न सकिन्छ । गुरिल्ला पदमार्गमा माओवादी ‘जनयुद्ध’का चिनारी…