काठमाडौं । रसुवामा बाढीले नेपाल-चीन जोड्ने मितेरी पुल बगाएपछि दुई देशको सडक सम्पर्क टुटेको छ । भन्सार यार्डमा ठलो क्षति पुगेको छ । केही नागरिक सहित १२ जना प्रहरी फसेका छन् ।
अहिलेसम्म बाढीले गरेको क्षतिको यकिन विवरण नआएपनि मितेरी पुल भने पुरै बगाएको र नेपाल चीन सम्पर्क विच्छेद भएको रसुवाका सहायक प्रमुख जिल्ला अधिकारी ध्रुब प्रसाद अधिकारीले जानकारी दिए ।
उनका अनुसार बिहान ३ बजे केरुङबाट आउने भोटेकोशी नदीमा आएको बाढीले नाका क्षेत्रमा
भौतिक क्षति भएको र केही मानिस फसेको छन् ।
‘बाढीबाट मितेरी पुल बगाएको छ । भन्सार यार्डमा ठुलो क्षति पुगेको छ । केही मानिस फसेको र उनीहरुको उद्धारका लागि काठमाडौंसँग हेलिकप्टरका लागि समन्वय भइरहेको छ ।’ सहायक प्रजिअ अधिकारीले भने ।
उनका अनुसार भन्सारको र्याडमा राखिएको सयौँ इभी बगेका छन् । १२ जनाको प्रहरी टोली पनि त्यही फसेको जनाइएको छ ।
उद्धारका लागि प्रहरीको टोली परिचालन गरेपनि पानीको सतह नघटेका कारण उद्धारमा समस्या भएको छ । उद्धारका लागि उनका अनुसार १२ जनाको प्रहरी टोली त्यहाँ नै फसेको छ ।
