युगपोष्टमा प्रशारण भएको समाचारको प्रभाव , १० बर्षिया जेनिस केसि भेटिएका छन् ।
´यी असार १४ गते देखी हराएका बच्चालाई देखे मा सूचना दिनुहोस् । ` भन्ने शिर्षकमा असार १७ गते युगपोष्टमा प्रशारण भएको समाचारको प्रभाव परेको छ।
पहिले त्रिवेणी गाउँपालिका रोल्पा ५ दहखोला घर भएका हाल तुल्सिपुर नयाँगाउँ निवासी दिपक केसिका छोरा १० बर्षिया जेनिस केसि आफ्नै घर आगनमा साथीहरूसँग खेलिरहेको बेला असार १४ गते दिउँसो देखी सम्पर्क बिहिन भएका थिए ।
हाम्रो तुल्सिपुर रिपोटर बालाराम डाँगीले पठाएको सूचनामुलक समाचार १७ गते बिहान प्रकाशित भएपछि सबैकाहाँ खबर पुगेको थियो । हराएको बच्चा सल्यान कपुरकोटको एक होटलमा खाना खादा देखेको भनेर दाङबाट रोल्पा जादै गरेकी यात्री टीका घर्तीले हाम्रो समाचारमा गएर कमेन्ट गरेपछि पत्ता लागेको हो।
बच्चा त्याहाँबाट पनि अन्तै जानसक्ने भएकाले कपुरकोट चौकी इन्चार्जलाई हाम्रो रिपोर्टर डाँगीले खबर गरि सुरक्षीत गर्न लगाएका थिए।
उनका आफन्तले १७ गते साँझ नै कपुरकोट पुगेर आफ्नो बच्चा लिइसकेको छन् ।
