रोल्पा // टेक मगर // SEE २०८१ मा उत्कृष्ट नतिजा हासिल गरेको अवसरमा श्री शुक्र माध्यमिक विद्यालय, झुम्लुङमा विशेष कार्यक्रम आयोजना गरी विद्यार्थी, अभिभावक तथा शिक्षकहरूलाई सम्मान गरिएको छ। विद्यालयका २९ जना सहभागी विद्यार्थीमध्ये २७ जना उत्तीर्ण भई ९३.१० प्रतिशत नतिजा ल्याउन सफल भएपछि विद्यालयले सफल विद्यार्थीहरूलाई बधाई दिंदै सम्मान कार्यक्रम आयोजना गरेको हो।
कार्यक्रममा विषयगत शिक्षकहरू, अभिभावक तथा SEE परीक्षामा सफल विद्यार्थीहरूलाई सम्मान गरिएको थियो। सो अवसरमा स्काउट (Scout) तालिम प्राप्त विद्यार्थीहरूलाई पनि प्रमाणपत्र वितरण गरिएको विद्यालयले जनाएको छ।
त्रिवेणी गाउँपालिकामा छत्रा तर्फबाट उत्कृष्ट प्रदर्शन गरेको विद्यालयको यो उपलब्धिले सम्पूर्ण शिक्षा क्षेत्रलाई प्रेरणा दिने खालको रहेको विद्यालय प्रशासनको भनाइ छ।
कार्यक्रममा विद्यालयका शिक्षक, अभिभावक, विद्यार्थी तथा स्थानीय प्रतिनिधिहरूको उपस्थिति रहेको थियो।
