रोल्पा, २०८१ असार १४ – टेक मगर — माध्यमिक शिक्षा परीक्षा (SEE) २०८१ को नतिजा सार्वजनिक भएसँगै रोल्पा जिल्लामा साधारण धारतर्फका विद्यार्थीहरूको सफलता दर पनि सार्वजनिक भएको छ। जिल्लाका १० वटै स्थानीय तहका नतिजा विश्लेषण गर्दा त्रिवेणी गाउँपालिका सबैभन्दा अग्रस्थानमा देखिएको छ भने सुनछहरी गाउँपालिका सबैभन्दा पछाडि परेको छ।
त्रिवेणी गाउँपालिकाबाट साधारण धारतर्फ ६४.४२% विद्यार्थी उत्तीर्ण भएका छन्, जुन जिल्लामै सबैभन्दा उच्च सफलता दर हो। त्यसपछि माडी गाउँपालिकाले ६२.९८% सफलता हासिल गर्दै दोस्रो स्थान हासिल गरेको छ।
त्यस्तै गंगादेव गाउँपालिका (५९.९०%), थबाङ गाउँपालिका (५६.३६%) र सुनिलस्मृति गाउँपालिका (५५.१७%) ले पनि उल्लेखनीय सफलता दर हासिल गरेका छन्। रोल्पा नगरपालिकाको सफलता दर ५२.९२% रहेको छ।
अन्य पालिकाहरूको नतिजा हेर्दा रुन्टिगढि गाउँपालिका ४५.०८%, लुङग्री गाउँपालिका ४४.५०%, परिवर्तन गाउँपालिका ४३.३४% मा सीमित रहेका छन्। सबैभन्दा कम सफलता दर सुनछहरी गाउँपालिकाको रह्यो, जहाँ मात्र २७.०९% विद्यार्थीले सफलता प्राप्त गरेका छन्।
जिल्लास्तरीय समग्र नतिजा विश्लेषण गर्दा केही पालिकाहरूले अपेक्षाकृत राम्रो प्रदर्शन गरेका छन् भने केही पालिकामा गुणस्तरीय शिक्षाको सवालमा अझै ध्यान दिनुपर्ने देखिन्छ। शिक्षाको गुणस्तर अभिवृद्धिका लागि स्थानीय तह तथा सम्बन्धित निकायहरूबीच समन्वय आवश्यक देखिएको छ।
