रोल्पा, टेक मगर — त्रिवेणी गाउँपालिका वडा नं. ६, धारमखोलाले आ.व. २०८१/०८२ को तेस्रो चौमासिक अवधिमा वडाभित्र सम्पन्न विकास निर्माण कार्य तथा सेवा प्रवाहका बारेमा जानकारी दिन सार्वजनिक सुनुवाइ कार्यक्रम सम्पन्न गरेको छ।
वडा कार्यालयको आयोजनामा सम्पन्न उक्त कार्यक्रम वडा अध्यक्षको अध्यक्षता र वडा का शाखाका प्रतिनिधिहरू, – नं वडा का स्वास्थ्य शाखा इन्चार्ज, महिला समूह र स्थानीयको उपस्थिति रहेको थियो। कार्यक्रममा स्वास्थ्य, शिक्षा, सिचाइ, सडक, खानेपानी, कृषिजस्ता क्षेत्रहरूमा भएका सेवा प्रवाह तथा बजेट खर्चको विवरण प्रस्तुत गरियो।
कार्यक्रममा वडाबासीको उल्लेख्य उपस्थिति रहेको थियो। सहभागीहरूले वडाभित्र भएका उपलब्धि, चुनौती, तथा आगामी दिनमा प्राथमिकता पाउने क्षेत्रहरूबारे आफ्ना धारणा, सुझाव र गुनासा सार्वजनिक रूपमा राखेका थिए । सेवाप्रति नागरिकको सन्तुष्टि, सेवा प्रवाहको गुणस्तर, निर्माण कार्यको प्रभावकारिता, पारदर्शिता तथा जवाफदेहिता विषयमा पनि छलफल भएको थियो।
कार्यक्रममा वडाध्यक्षकाे प्रस्तुत प्रतिवेदनमा शिक्षा, स्वास्थ्य, सडक स्तरोन्नति, खानेपानी योजना र साना पूर्वाधार निर्माण कार्यमा उल्लेखनीय प्रगति भएको जानकारी गराइएको थियो। साथै, केही योजनाहरू बजेट अभाव र प्राविधिक समस्याका कारण ढिला भएको उल्लेख गर्दै आगामी चौमासिकमा ती कार्यलाई प्राथमिकतामा राखिने प्रतिबद्धता व्यक्त गरिएको थियो।
कार्यक्रमको समापनमा सहभागीहरूले सार्वजनिक सुनुवाइ कार्यक्रमले नागरिक र सरकारबीचको सम्बन्ध प्रगाढ बनाउने र सेवा प्रवाहलाई अझ पारदर्शी एवं उत्तरदायी बनाउने विश्वास व्यक्त गरे।
