रोल्पाको माडी गाउँपालिकाले आर्थिक वर्ष २०८२/०८३ को वार्षिक बजेट सर्वसम्मतरूपमा पारित भएको छ।
´ कृषि, पशुपंक्षी, जडीबुटी र दिगो पुर्वाधार, समृद्ध माडीको आधार `भन्ने मुल नारा रहेको माडी गाउँपालिकाले शिक्षा क्षेत्रमा सबै भन्दा बढी विनियोजन गरेको छ, साथै कृषि र पशुमा आधारित क्रियाकलापमा पनि १ करोड बढी बजेट विनियोजन भएको गाउँपालिका अध्यक्ष अमरसिंह घर्तिमगरले बताएका छन् ।
गाउँ सभाको १७ औं अधिवेशनमा ४२ करोड, ४२ लाख, ९४ हजार रुपैयाँ बरावरको बजेट प्रस्तुत भएको थियो । शिक्षा र कृषि क्षेत्रलाई प्राथमिकता दिएको बजेटमा स्थानीय पुर्वाधार विकासलाइ पनि प्राथमिकता दिएको छ । गाउँसभाको १७ औं अधिवेशनको दोस्रो बैठकमा समिति संयोजक पुनले माडी गाउँपालिकाको आर्थिक ऐन २०८२ आर्थिक बर्ष २०८२/८३ को वार्षिक बजेट तथा कार्यक्रम, माडी गाउँपालिकाको बिनियोजन ऐन २०८२ र माडी गाउँपालिकाको न्यायीक समिति प्रतिवेदन समेत पेश गर्दै पारित समेत भएको छ ।
