काठमाडौँ —माओवादी केन्द्रको भ्रातृ संगठन योङ कम्युनिस्ट लिग (वाईसीएल) को अध्यक्षमा पुष्प ओली सर्वसम्मत कार्यसमिति चयन भएको छ।
काठमाडौंमा भएको तेस्रो सम्मेलनबाट ओलीको नेतृत्वमा नयाँ कार्यसमिति सर्वसम्मत चयन भएको माओवादी केन्द्रीय सदस्य एवं वाईसीएल इन्चार्ज रामप्रसाद सापकोटाले जानकारी दिए ।
अध्यक्षमा केयरसिंह कुँवर, पुष्प ओली, गणेश शाही, कर्म पुलामी र नवराज ऐरलगायत आकांक्षी रहे पनि अन्तत: ओलीको नाममा सहमति बनेको हो ।
उपाध्यक्षमा अग्रिम पुन लगायत महासचिवमा गणेश शाही उपमहासचिव दाङका बिरेन्द्र बिक लगायत सचीवमा रोल्पाका दिपक वुढा ,मनोज बुढा लगायत र हिबेन्द्र शाही लगायत केन्द्रीय सदस्यमा सर्वसम्मत चयन भएका छन् ।
वाईसीएल ४० वर्षमुनिका युवाको संगठन हो । वाईसीएल जुझारु संगठन बनाउने निर्णय भइसकेको र माओवादीको ‘सेफ गार्ड’का रुपमा कार्यशैली बदलिने सापकोटाले बताए ।
