नेकपा (माओवादी केन्द्र )का अध्यक्ष नेतृत्वको ´जनता सँग माओवादी मध्य पहाडी लोक मार्ग जागरण अभियान अन्तर्गत थवाङमा हुने विशाल आमसभा तयारी तिब्र पारिएको छ ।
झापाको कचनकवल बाट सुरु गरेको जनता सँग माओवादी मधेस तराई जागरण अभियान कंचनपुरमा गएर उत्साहित भएको माओवादीले फेरि दोस्रो चरण अभियान जेठ २ गतेबाट “जनतासँग माओवादी, मध्य पहाडी लोकमार्ग केन्द्रित अभियान” अगाडि बढेको छ।
आज कर्णाली प्रदेश प्रवेश गरेको अभियान टोली जेठ ७ गते रोल्पा पुग्ने छ। रोल्पाको थवाङमा हुने आमसभा मा प्रचण्ड लगायतका उच्चस्तरीय नेताहरूले सम्बोधन गर्ने छन् ।आम सभाको तयारी तीब्र बनाएको आयोजकले जनाएको छ।
थवाङ गाउँपालिका ,परिवर्तन गाउँपालीका ,सुनछहरी गाउँपालीका लगायत जिल्लाभरबाट पार्टी कार्यकर्ता , समर्थक ,शुभेच्छुक लगायत सम्पुर्ण जनसमुदायको गौरवमय उपस्थितिको लागी माओवादी जिल्ला समन्वय समिति रोल्पाले आह्वान गरेको छ।
प्रचण्डले जहाँ जहाँ पुगे त्यहीँका सहिद परिवार बेपत्ता घाइते अपांगसँग उनीहरु घर आंगनमै गएर भेटघाट छ्लफल गरेका छन् । त्यहाँको ऎतिहासिक ठाउँको अवलोकन तथा प्रबर्द्धनमा गरेका छन् र थवाङमा पनि गर्नेछन् ।
उनले थवाङमा हुने नेकपा( माओवादी केन्द्र )जिल्ला समन्वय समिति रोल्पाको बैठकमा विशेष प्रशिक्षण दिनेछन् ।
