टेक मगर,रोल्पा, जुगार— त्रिभुवन विश्वविद्यालय अन्तर्गत नव नेपाल क्याम्पस, जुगार रोल्पामा स्वतन्त्र विद्यार्थी युनियन (स्ववियु) पदाधिकारी तथा सदस्यहरू निर्विरोध चयन भएका छन्। अनेरास्ववियु र अखिल क्रान्तिकारीबीचको तालमेलपछि सर्वसम्मत नेतृत्व चयन गरिएको हो।
स्ववियु अध्यक्षमा अनेरास्ववियुका एकराज के.सी., सचिवमा अखिल क्रान्तिकारीका विप्लव डाँगी, तथा कोषाध्यक्षमा प्रतिभा भण्डारी चयन भएका छन्। त्यस्तै, अनेरास्ववियुबाट सदस्य राधिका के.सी. र अखिल क्रान्तिकारीबाट सदस्यहरू श्रिया पुन तथा भावना रोका निर्विरोध निर्वाचित भएका छन्।
समानुपातिक प्रणाली अन्तर्गत अखिल क्रान्तिकारीका उपाध्यक्षमा मनीषा थापा, सहसचिवमा विक्रम बिष्ट, र सदस्यहरूमा होमराम डाँगी, नृपेश डाँगी तथा आशिष डाँगी चयन भएका छन्।नवनिर्वाचित टिमले विद्यार्थी हकहित संरक्षण र क्याम्पसको विकासका लागि समर्पित भएर कार्य गर्ने प्रतिबद्धता जनाएको छ।
