टेक मगर , रोल्पा -नेपाल विद्यार्थी संघ (नेविसंघ) ले एक प्रेस विज्ञप्ति जारी गर्दै नव नेपाल क्याम्पस इकाई कार्य समितिकी सभापति बसन्ती भण्डारीलाई संगठनबाट मुक्त गर्ने निर्णय गरेको छ।
विज्ञप्तिमा उल्लेख गरिएअनुसार, भण्डारीले नेपाल विद्यार्थी संघको विधान, नीति र निर्देशन विपरीत कार्य गर्दै संगठनलाई कुनै जानकारी, सम्पर्क वा समन्वय नगरी सांगठनिक हितविपरीतका गतिविधिमा संलग्न भएकाले उनलाई मिति २०८१ चैत १३ गतेदेखि लागू हुने गरी पदमुक्त गरिएको हो।
साथै, नेविसंघले संगठनको नीति र समन्वयविपरीत गरिएका सम्पूर्ण निर्णय तथा भण्डारीद्वारा सम्पादित कार्यहरू खारेज गरिएको जानकारी गराएको छ। विज्ञप्तिमा नेविसंघको तर्फबाट उनको प्रतिनिधित्वमा भएका कुनै पनि निर्णय र सहभागितालाई मान्यता नदिन सम्बन्धित सबै पक्षलाई अनुरोध गरिएको छ।`
उनले क्याम्पसमा स्ववियु निर्वाचन प्रक्रिया अगाडी बढाउन सहमति गरेकी छिन् । त्यो कार्यान्वयन नहुने भएको छ।
स्ववियु निर्वाचनको लागी फागुन २१ गते बसेको बैठकमा नेविसंघको तर्फबाट कांग्रेसको पालीका सभापति बसेको विद्यार्थीसंघको जिम्मा आफैले लिएको भनिएको मा २७ गते बसन्ती भण्डारीले हामीलाई नव नेपाल क्याम्पसमा स्ववियु निर्वाचन प्रक्रियामा जाँदा २१ गते हाम्रो नेविसंघलाई सहभागी नगराएको हुँदा सबै प्रक्रिया रोक्न निवेदन दिएको कारण आज सम्म रोकिएको थियो । तर आज बिहान स्ववियु अगाडी बढाउन सहमति जनाएकी थिइन् ।
