कविता – शासन गर्याे
शासकले तिमी र मलाई
जात जातीमा बाँड्याे
पहिचान र स्वामित्वको लडाइँमा भाँड्याे
अनि फुटाउ र राज गरको निति लिएर
उल्टै हामी माथि शासन गर्याे ।
हाे शासकले तिमी र मलाई
धर्म कर्ममा बाँड्याे
मठ मन्दिरको लडाइँमा भाँड्याे
स्वर्ग र नर्कको निति लिएर
उल्टै हामी माथि शासन गर्याे ।
शासकले तिमी र मलाई
महिला र पुरुषमा बाँड्याे
लिङ्ग भेदकाे लडाइँमा भाँड्याेे
अंश र वंशको निति लिएर
उल्टै हामी माथि शासन गर्याे
शासकले तिमी र मलाई
भूगोलको टुक्रामा बाँड्याे
साँध सिमानाकाे लडाइँमा भाँड्याे
सत्ता र शक्तिको निति लिएर
उल्टै हामी माथि शासन गर्याे
शासकले तिमी र मलाई
वर्ग र वर्णमा बाँड्याे
उचाे र निचाेकाे लडाइँमा भाँड्याे
कालाे र गाेराे छाला देखाएर
उल्टै हामी माथि शासन गर्याे ।
हाे शासकले हामीलाई
न कहिल्यै मान्छे बन्न दियो
न कहिल्यै मान्छे मान्न दियो
न कहिल्यै संगै बस्न दियो
दियो त खाली
दास र मालिक बन्न दियो
तँ भन्दा म ठुलो भन्न दियो
त्यसैले त अब हामी
मात्र एउटै मान्छे बनाै
मान्छे अन्तर्राष्ट्रिय जाती बनाै ।।
लेखक : कवि तथा माओवादी नेता ओम प्रकाश पुन
