रोल्पा माडी गाउँपालिकाको घर्तीगाउँ देखि दाङ तर्फ जादै गरेको लु १ च ९४०६ नम्बरको घोराही उपमहानगर पालीका – १३ डुम्मर गाउँ बसपार्क माथिल्लो पुल नजिक केशरसिंह ओलीले संचालन गरेको बिजय स्टोरको गाडी दुर्घटना भएको हो।
सामान बोक्ने बोलेरो गाडी सामान बेचेर दाङ तिर फर्कदै गर्दा त्रिवेणी गाउँपालिका ७ नन्दिखोलामा दुर्घटना हुदा गाडीमा सवार ५ जना मध्ये एक जनाको महिलाको घटनास्थलमै मृत्युु भएको छ भने, २ जना बच्चा घाइते भएका छन् ।
मृतक महिला गंगादेव गाउँपालिका २ घोडानेटा निवासी सीता खड्का रहेको र रुन्टिगढि गाउँपालिकामा अध्यापन गराउदै आउनुभएको थियो। घाइते दुबै बच्चा पनि उहाकै रहेका छन् ।
दुबै बच्चाको गैरिगाउँ स्वास्थ्य चौकी तिलामा समान्य उपचार पछि जिल्ला अस्पताल रेउघा रेफर गरिएको छ । चालक र अर्का फरार व्यक्तिको खोजी कार्य भैरहेको छ चालक सहित १ जना फरार रहेका छन र घाइते बच्चाहरुको गैरिगाउँ स्वास्थ्य चौकी तिलामा सामान्य उपचार पश्चात् थप उपचारको लागि त्रिवेणी गाउँपालिकाको एम्बुलेन्स मार्फत रोल्पा अस्पताल रेउघा रेफर गरिएको छ । ।
