रोल्पा माडी गाउँपालिकाको घर्तीगाउँ देखि दाङ तर्फ जादै गरेको लु १ च ९४०६ नम्बरको घोराही उपमहानगर पालीका – १३ डुम्मर गाउँ बसपार्क माथिल्लो पुल नजिक केशरसिंह ओलीले संचालन गरेको बिजय स्टोरको गाडी दुर्घटना भएको हो।
सामान बोक्ने बोलेरो गाडी सामान बेचेर दाङ तिर फर्कदै गर्दा त्रिवेणी गाउँपालिका ७ नन्दिखोलामा दुर्घटना हुदा गाडीमा सवार ५ जना मध्ये एक जनाको महिलाको घटनास्थलमै मृत्युु भएको छ भने, २ जना बच्चा घाइते भएका छन् ।
चालक सहित १ जना फरार रहेका छन र घाइते बच्चाहरुको गैरिगाउँ स्वास्थ्य चौकी तिलामा सामान्य उपचार पश्चात् थप उपचारको लागि त्रिवेणी गाउँपालिकाको एम्बुलेन्स मार्फत रोल्पा अस्पताल रेउघा रेफर गरिएको छ । ।
फरार व्यक्तिहरुको खोजि कार्यको लागि प्रहरीले अनुसन्धान प्रक्रिया अगाडि बढाएको छ । घटना स्थलमा सदरमुकामबाट प्रहरी पुगेको छ।
