जनताको सेवा गरेर बचेको समय मात्र सुन्तलाको सेवा गर्दा पनि यस वर्ष वडा सदस्य हर्क बहादुर रोकाले चार लाख पौसठी हजार कमाएका छन् ।
जनप्रतिनिधि भएर जनताको कामसँगै आफ्नो पेशा व्यवसायमा व्यस्त हुने पौरखी र जनताको प्रिय् मान्छे हरुको नेपालै थोरै छन् ।
त्यहीँ थोरै मानिस मध्ये एक रोल्पाको माडी गाउँपालिका वडा नम्बर ५ भावाङका वडा सदस्य तथा मेहनती कृषक हरक बहादुर रोका हुन् । बाङमा निवासी रोकाले जनताको काम गरेर बाँकी समय सुन्तला खेतीमा दिने गरेका छन् ।यसै वर्ष मात्र रोकाले सुन्तला बिक्री गरेर ४ लाख ६५ हजार रुपैयाँ आम्दानी गरेका छन् । उनले उत्पादन गरेको सुन्तलाले राम्रो बजार भाउ पाएको छ किनकि बाटो संजालले गर्दा समयमै सजिलै बिक्री गर्न पाएका छन् ।
