राेल्पाको फगाम बोलेरो दुर्घटना हुँदा एक जनाकाे मृत्यु चार जना घाइते भएका छन।
बिहीबार बेलुका करिब साढे ९ बजेतिर सुनछहरी गाउँपालिका वडा नं.६ फगाम धुम्सि स्थित रुईनिवाङ फगाम भित्री कच्ची सडक खण्डमा रुईनिवाङबाट फगाम तर्फ जाँदै गरेको लु१ज ४८८९ नम्बरको बोलेरो डबल क्याप गाडीको ब्रेक फेल भई बाटो देखि अन्दाजी ५० मिटर तल खस्न गई दुर्घटना भएको जिल्ला प्रहरी कार्यालय राेल्पाले जनाएको छ।
दुर्घटनामा परि घाइते भएका सुनछहरी -६ फगाम बस्ने बर्ष ५७ की गौरा रोका मगरको प्राथमिक स्वास्थ्य केन्द्र सुलिचौर रोल्पा उपचारको क्रममा डाक्टरले मृत घोषणा गरेको हाे भने दुर्घटनामा परि घा?इते हुनेमा सुनछहरी ६- बस्ने बर्ष ३५ को तिल बहादुर घर्तिको छन उनकाे अवस्था गम्भीर भएपछि थप उपचारको लागि लुम्बिनि सिटि अस्पताल बुटवलमा पठाइएको छ।
त्यस्तै सुनछहरी ७ पोबाङ बस्ने बर्ष ४३ को टेक बहादुर बुढा मगर र सुनछहरी -६ धुम्सि बस्ने बर्ष २५ को प्रेम रोका मगरको प्राथमिक स्वास्थ्य केन्द्र सुलिचौरमा भइरहेको छ। गाडी चालक सुनछहरी -६ धुम्सि बस्ने बर्ष २९ को धनिराम घर्ति मगरको अवस्था भने सामान्य छ। उनलाई अहिले प्रहरीले नियन्त्रणमा लिएको छ।
