टेक मगर/ राेल्पा, राेल्पाकाे त्रिवेणी गाउँपालिका ७ मैतीकाट्ना मा घरमा आगो लागेर जलेर नष्ट भएको छ।शेरबहादुर बिकको घरमा दिउँसो करिब ५ बजेतिर आगो लागेको हो।
शेरबहादुर बिकको जेठी छोरी २७ वर्षकी बिना विकको देब्रे हात जलेको बताइएको छ। उनले घरमा आगो लागेको थाहा पाएपछि सामान निकाल्न जान खोजेकी थिइन्, उनी ढोकामा गएर सामान निकाल्न खोज्दा हात जलेको प्रहरीले बताएको छ। विद्युत सँगै सोलर पनि रहेको कारण विद्युतको तार आपसमा ठाेक्किएर आगोलागी भएकाे हुनसक्ने बताइएको छ। घरको सम्पूर्ण अन्न, सामानहरु र कपडाहरु जलेर नष्ट भएको छ। घर जलेर कति नष्ट भयो भनेर प्राप्त पुर्ण विवरण भने आएको छैन। थप विवरण आउन बाँकी रहेको जिल्ला प्रहरी कार्यालय रोल्पाले बताएको छ।
