दाङ , ८ कात्तिक । दाङको राप्ती नदीमा नुहाउने क्रममा लमही नगरपालिका–२ रनियाँपुरका तीन जना डुबेर मृत्यु भएको हो ।
लमही नगरपालिका–२ रनियाँपुरकी १२ वर्षीया झरना चौधरी, १२ वर्षीया निशा चौधरी र गढवा गाउँपालिका–४ खडकपुरकी १२ वर्षीया कृष्टी चौधरीको डुबेर मृत्यु भएको जिल्ला प्रहरी कार्यालयका प्रवक्ता इश्वर थापाले जानकारी दिए ।
कृष्टी गोरखा मोडेल सेकेण्डरी स्कुल लमहीमा कक्षा ८ पढ्दै थिइन भने पत्थरगढवा स्थित मार्टिन एकेडेमीमा झरनाले कक्षा ४ र निशाले कक्षा ६ मा त्यहीँ स्कुलमा पढ्दै आएका थिए ।
