अँध्यारो रातमा
स्वा स्वा आवजले झस्किएँ !
मध्य रातमा
म चिच्चाएँ
कराएँ
रोएँ
मस्त रातसँग
सुतेको गाउँले
न मलाई सुन्यो
न देख्यो !
गिद्द्ले सिनो लुछे झै
मेरा स्तनहरु
मेरो नितम्ब !
रक्ताम्य बनाए
चपाइएका मेरा कलिला ओठ
मेरो अस्तित्व लुटिएको
छाउगोठ !
आज भत्काइयो रे
म , मेरो
भत्किएको मन जोड्न
कुन रसाएनको प्रयोग गरुँ
बिन्ती मेरो !
मेरो !!!!
अस्तित्व लुट्ने दानबको
पार्टी सदस्यता न हेरिदिनु
मेरा बा को
पार्टी नहेरी दिनु
म जस्तै तपाईंको छोरीले
छाउ गोठको
घाउ बोकेर पटक पटक मर्नु नपरोस्
✒️ हिक्मत रावल अछाम
