पेदीखोला ट्रस पुल माडी १ को उद्घाटन

घाेराही दाङ/पेदीखोला ट्रस पुल माडी १ को उद्घाटन गरिएको छ ।  माडी १ पेदीखोलामा निर्माण सम्पन्न भएको उक्त पुल माडी गाउँपालिका अध्यक्ष अमरसिंह घर्तिमगरले उद्घाटन गर्नुभएको हो । पुल संचालनमा आए संगै बर्षा  याममा नागरिकले पाउने सास्ती कम हुनेछ भने खोला तर्दा हुने मानवीय क्षति हुने त्रास भय दूर भएको स्थानीय वासी बताउँछन। पुल संचालनले स्थानीय बासिन्दामा खुसी छाएको छ । एक स्थानीय बताए ´हाम्रो पालिका सरकारको नेतृत्वले चुनावको घोषणा पत्रमा भने अनुसार नै काम गर्नुभएको छ उहाँको बोली र व्यावहार मिलेको छ यो पुलको विषय पनि मिलेको छ।`
उद्घाटन समारोहमा वडा अध्यक्ष रोहित सिं घर्तिमगर, निवर्तमान वडा अध्यक्ष आम बहादुर घर्ती, माडी गाउँपालिका प्रशासन अधिकृत पहलमान वली, वडा सदस्य अञ्जली केसी वलीलगाएत स्थानीयको उपस्थिति रहेको थियो ।