काठमाण्डौ – हावाहुरीमा परि गोरखा र पर्सामा २ जनाको ज्यान गएको छ । हिजो बेलुका आएको हावाहुरीका कारण रुख ढल्दा गोरखाको शहीदलखन गाउँपालिका–४ चैलिसेका ५० वर्षीय गिरबहादुर राना मगरको ज्यान गएकाे वडाध्यक्ष यमबहादुर थापाले जानकारी दिनुभयो ।
हावाहुरीका कारण गाेरखामा दुई दर्जनभन्दा धेरै घरका छाना उडाएको र खेतीबालीमा समेत क्षति पुगेको वडाध्यक्ष थापाले बताउनुभयो ।
यस्तै वर्षासँगै आएको हावाहुरीले पर्साको विन्दबासिनी गाउँपालिका–२ गर्दौलमा १ सय ७ वर्षीय वृद्ध गुदेरी साहको ज्यान गएको छ । हावाहुरीले उडाएर ल्याएको जस्तापाताले काटेर उहाँँको ज्यान गएको पर्सा प्रहरीका प्रहरी नायब उपरीक्षक केशर न्यौपानेले जानकारी दिनुभयो
