काठमाडौँ —जिल्ला प्रशासन कार्यालयले राष्ट्रपति निवास परिसर लगायतका संवेदनशील क्षेत्रहरुमा कर्फ्यु थप लगाएको छ।
आज देखि काठमाडौ लगायत देशका ठुला शहरहरु सामाजिक संजालमा लगाएको प्रतिबन्ध र भ्रष्टाचार विरुद्ध भनेर जेनजी पुस्ताले आन्दोलन गरिरहेको छ। शीतल निवास आसपास महाराजगन्ज क्षेत्र, उपराष्ट्रपति निवास लैनचौर क्षेत्र, सिंहदरबारको चारैतिर, प्रधानमन्त्री निवास बालुवाटार क्षेत्रमा पनि कर्फ्यु थप गरेको छ ।
यसअघि प्रशासनले माइतीघर, बानेश्वर, तीनकुने र शंखमुल आसपासमा राति १० बजेसम्मका लागि कर्फ्यु जारी गरिसकेको छ ।
