रोल्पाको त्रिवेणी गाउँपालिका ७ को दार्बोट नजिकै नन्दीखोलामा पिक अप गाडी दुर्घटना भएको छ ।
आज साँझ करिब ५ बजे रोल्पाको त्रिवेणी गाउँपालिका ४ सिमपानीबाट गंगादेव गाउँपालिका १ ओततर्फ गइरहेको पिक अप गाडी त्रिवेणी गाउँपालिका ७ को दार्बोट नजिकै नन्दीखोला क्षेत्रमा दुर्घटना भएको छ ।
दुर्घटनामा गाडीका चालकसहित २ जना घाइते भएका छन् । घाइतेहरूको प्राथमिक उपचारपछि थप उपचारका लागि तुल्सीपुर पठाइएको छ । दुर्घटनाको कारणबारे अनुसन्धान भइरहेको प्रहरीले जानकारी दिएको छ । थप विवरण आउन बाँकी छ।
