| शनिबार, पुस ५, २०८२
आज भृकुटीमण्डपमा नेपाली कम्युनिस्ट पार्टीको एकता सन्देशसभा
विभिन्न राजनीतिक घटक मिलेर बनेको नेपाली कम्युनिस्ट पार्टी (नेकपा)ले आज काठमाडौंमा एकता सन्देशसभा गर्दै छ ।
आज बिहान ११ बजे भृकुटीमण्डपमा एकता सन्देशसभा हुने नेता रमेश मल्लले जानकारी दिए । सन्देशसभा बागमती सम्पर्क समन्वय र उपत्यका विशेष प्रदेश समितिको आयोजनामा हुन लागेको हो ।
गत १९ कात्तिकमा तत्कालीन नेकपा (माओवादी केन्द्र), एकीकृत समाजवादी पार्टीलगायत एकतापछि ‘नेपाली कम्युनिस्ट पार्टी’को घोषणा भएको थियो । घोषणापछि नेकपाले सबै प्रदेशमा एकता सन्देशसभा गरेपछि आज काठमाडौंमा गर्न लागेको हो ।
आजको सभामा संयोजक पुष्पकमल दाहाल ‘प्रचण्ड’, सह–संयोजक माधवकुमार नेपाललगायत नेताहरू सहभागी हुने जनाइएको छ ।
