कात्तिक २९, रोल्पा । रोल्पाको त्रिवेणी गाउँपालिकाले गरेको काज सरुवा फिर्ता पाउँ भनी चार विद्यालयले ध्यानाकर्षण पत्र बुझाएका छन ।
श्री जनश्रम प्रा वि त्रिवेणी १ हुन्दुङ, श्री नेपाल राष्ट्रिय प्रावि त्रिवेणी १ तुक्ला, श्री अनवती प्रा वि त्रिवेणी ७ वर्तिवाङ र श्री नेपाल राष्ट्रिय प्रा वि त्रिवेणी २ रामपुर गरि चार विद्यालयका विद्यालय व्यवस्थापन समिति, प्रधानाध्यापक र शिक्षक अभिवाक संघले पालिकाले गरेको काज सरुवा फिर्ताको मागसहित संयुक्त ध्यानाकर्षण पत्र बुझाएका हुन ।
पालिकाले ´बहुकक्षा ‘बहु सिकाई `(MGML) कार्यक्रमको नाममा आज भन्दा दुई वर्ष पहिले ९ वटा का शिक्षक काज सरुवा गरेको थियो। यहि काज सरुवा अबैध , पुर्वाग्रह र अव्यावहारिक छ भनी भनेर
शिक्षक गंगा प्रशाद बुढाले उच्च अदालत तुल्सिपुरमा मुद्दा दर्ता गराएका थिए।
अदालतले सरुवा कानुन सम्बन्ध नभएकाले निज शिक्षक गंगा प्रशाद बुढाको सरुवा नगर्न भनेर मुद्दा फैसला भैसकेको छ।
अदालतको यो फैसलाको आधार मान्ने हो भने ´ एउटै निर्णयमा , एउटै प्रक्रियामा ,एउटै कार्यक्रमका लागी ` गरेको अरु ८ अटै काज सरुवा गैरकानुनी भएको प्रमाणित भैसकेको छ।
शैक्षिक हिसाबले यो सरुवाले ती प्रा बि लाई धेरै नकारात्मक प्रभाव परेको छ । यी स्कुलहरु शिक्षक अभावले बन्द हुने स्थितिमा पुगेका छन् ।
त्यसैले मंसिर ५ गते भित्र काज सरुवा फिर्ता गर्न अनुरोध गर्दछौ”, भनेर ध्यानाकर्षण पत्रमा भनिएको छ ।
साथै उनिहरुले ध्यानाकर्षण पत्रको व्यवास्ता गरिएमा विद्यालयहरुले विद्यार्थी सहित पालिका केन्द्रित आन्दोलन गर्ने चेतावनी समेत दिईएका छन ।
