आज आइतबार जेनजी समुह त्रिवेणीका संयोजक सन्दीप विश्वकर्माको नेतृत्वमा गएको टिमले त्रिवेणी गाउँपालिका अध्यक्ष कर्ण बाठा र प्रमुख प्रशासकिय अधिकृत चेत नारायण कडेंललाई संयुक्त रूपमा ज्ञापन पत्र बुझाएको छ।
पालिका भित्र भएका नितिगत लगायतका भ्रष्टाचार रोक्नुपर्ने , जेनजी आन्दोलनबाट बनेको सुशीला कार्की नेतृत्वको सरकार खर्च कम गर्ने भन्दै अस्थायी ,करारमा रहेका कर्मचारी तत्काल हटाउनुपर्ने ,पालिकाले खरिद गरेका सबै सामाग्रीको भ्याट बिल सार्वजनिक गर्नुपर्ने , पालिकाबाट छुटाएको युवा लक्षित बजेट जेनजिले भने अनुसार छुट्टाउनु पर्ने लगायतका ७ बुदे माग १ महिना भित्र पुरा गर्नुपर्ने अल्टिमेटम सहित ज्ञापन पत्र बुझाएको छ।
यदी हाम्रो माग पूरा नभए कडा आन्दोलन गर्ने संयोजक विश्वकर्माले युगपोष्ट सँग बताए ।आज भने पालिकाले आफुहरुलाई राम्रो व्यावहार गरे पनि विश्वकर्माले बताएका छन् ।
