रोल्पाको कांग्रेस कार्यसमितिको नक्कली लेटरप्याड, छाप र हस्ताक्षर प्रयोग गरि विभिन्न ब्यक्तिहरूले आफू नेपाली कांग्रेसको साधारण सदस्य, क्रियाशील सदस्य भई नेपाली कांग्रेसको हरेक गतिविधिमा सकृय भएको हुँदा द्वन्द्व प्रभावित भनेर अमेरिका गएको कुरा खुलेको छ। यो पनि एक प्रकारको मानव तस्करी नै भएकाले कानुनी कार्वाही गर्नुपर्ने आवश्यकता छ।
जिल्ला सभापति किशोर आचार्य द्वारा हस्ताक्षरित विज्ञप्तिमा भनिएको छ। नेपाली कांग्रेस जिल्ला जिल्ला कार्यसमिति रोल्पा र अन्य तहहरू समेतको नक्कली लेटरप्याड, छाप र हस्ताक्षर प्रयोग गरि विभिन्न ब्यक्तिहरूले आफू नेपाली कांग्रेसको साधारण सदस्य, क्रियाशील सदस्य भई नेपाली कांग्रेसको हरेक गतिविधिहरूमा सक्रिय भएको कारण द्वन्द्व प्रभावित भएको,
विज्ञप्तिमा भनिएको छ ..माओवादी पार्टीका कार्यकर्ताले दुःख दिएको, धम्की दिएकोले नेपालमा बस्न नसकि जीवनरक्षाका लागि विदेश (अमेरीका लगायतका) देशमा आउनुपरेको भनि गलत सिफारिस बनाई सम्बन्धित देशमा पेस गरेको, गर्ने प्रक्रियामा रहेको बुझिएकाले सो सम्बन्धमा नेपाली कांग्रेस रोल्पाको गम्भिर ध्यानाकर्षण भएको छ ।
यस प्रकारका गलत, भ्रामक र कानुन विपरितका कार्यहरूको बारेमा सम्बन्धीत देश तथा विदेश मा रहेका पार्टी जनसम्पर्क समितिको सहयोग र सम्बद्ध सबैसँग सहकार्य गरि सत्यतथ्य पत्ता लगाई सो सम्बन्धमा सबै देशका नेपाल स्थित राजदुतावास समेतमा पार्टिको तर्फबाट कुटनीतिक पहल गरि आवश्यक प्रकृया अगाडि बढाउने भएकाले त्यस्ता गलत क्रियाकलाप नगर्न नगराउन सम्बद्ध सबैलाई यसै बिज्ञप्ती मार्फत जानकारी गर्द छु । भनेर उल्लेख गरेको छ।
